ممبئي(م ڊ) بالي ووڊ ۽ هالي ووڊ ۾ ڪاميابي جا جهنڊا لڳائيندڙ اداڪارا پريانڪا چوپڙا کي سري ديوي ايڪسيلينس ايوارڊ سان نوازيو ويو آهي.
بالي ووڊ اداڪارا پريانڪا چوپڙا کي جهاڙکنڊ انٽرنيشنل فلم فيسٽيول ۾ سري ديوي ايڪسيلنس ايوارڊ سان نوازيو ويو، اهو ايوارڊ هدايتڪار مهيش ڀٽ کان پريانڪا چوپڙا جي والدا مڌو چوپڙا وصول ڪيو.
ايوارڊ ملڻ کانپوءِ پريانڪا چوپڙا پنهنجي وڊيو پيغام ۾ ايوارڊ لاءِ شڪريو ادا ڪندي چيو ته جهاڙکنڊ انٽرنيشنل فلم فيسٽيول ۾ سري ديوي ايڪسيلينس ايوارڊ حاصل ڪرڻ منهنجي لاءِ اعزاز جو سبب آهي.
اداڪارا جو چوڻ هو ته سري ديوي هميشا منهنجي پسنديدا اداڪارا رهي آهي ۽ ان جي نالي جو ايوارڊ حاصل ڪرڻ منهنجي لاءِ احترام جو سبب به آهي.
