ڪوئيٽا ۾ ڪوئلي جي کاڻ ۾ ڦاٿل وڌيڪ ٻن ڄڻن جا لاش هٿ اچڻ بعد فوتين جو انگ 12 ٿي ويو، پي ڊي ايم اي جو چوڻ آهي ته کاڻ کوٽيندڙ پورهيتن جي ڳولا لاءِ امدادي آپريشن ٽن ڏينهن تائين جاري رهيو، فوت ٿيل سمورن پورهيتن جو تعلق شانگلا سان آهي.
10جنوري تي ڪوئيٽا جي علائقي سنجدي ۾ گيس ڀرجڻ ڪري ڪوئلي جي کاڻ ويهجي وڃڻ سبب 12پورهيت دٻجي ويا هئا.
دٻجي ويلن ڏهن پورهيتن جا لاش امدادي آپريشن ۾ ٻاهر ڪڍيا ويا هئا، جڏهن ته وڌيڪ ٻن پورهيتن جا لاش به ٻاهر ڪڍيا ويا آهن.
ٻن پورهيتن جا لاش هٿ اچڻ بعد فوتين جو انگ وڌي 12 ٿي ويو.
پي ڊي ايم اي جو چوڻ آهي ته کاڻ کوٽيندڙ پورهيتن جي ڳولا لاءِ ريسڪيو آپريشن ٽن ڏينهن تائين جاري رهيو، فوت ٿيل سمورن پورهيتن جو تعلق شانگلا سان آهي، مڙهه ضروري ڪارروائي بعد اباڻي علائقن ڏانهن روانا ڪيا ويندا.
