امن امان جي صورتحال کي نظر ۾ رکندي معطل ڪيل ڪوئيٽا کان ملڪ جي ٻين شهرن لاءِ ٽرين سروس چئن ڏينهن بعد بحال ڪئي وئي.
سي اي او ريلوي عامر علي بلوچ جو چوڻ آهي ته پشاور لاءِ جعفر ايڪسپريس کي مقرر وقت تي ڪوئيٽا کان روانو ڪيو ويو، بولان ميل به پنهنجي مقرر ڏينهن تي ٽائيم ٽيبل موجب هلندي.
هن چيو ته ڪوئيٽا کان ملڪ جي ٻين شهرن لاءِ ٽرين سروس چئن ڏينهن بعد بحال ڪئي وئي آهي.
سي اي او ريلوي عامر علي بلوچ چيو ته فيصلو سڪيورٽي ڪليئرنس بعد مسافرن جي سهولتن لاءِ ڪيو ويو.
ريلوي کاتي ڪوئيٽا ريلوي اسٽيشن تي ڌماڪي بعد ٽرين سروس چئن ڏينهن لاءِ معطل ڪئي هئي.
