وفاقي گهرو وزير محسن نقوي ۽ بلوچستان جي وڏي وزير سرفراز بگٽي چيو آهي ته ڪوئيٽا ۾ بدترين دهشتگردي جي هو مذمت ڪن ٿا، ملڪ مان دهشتگردي جي نئين لهر هو ختم ڪري ڏيکاريندا.
وفاقي گهرو وزير محسن نقويءَ ڪوئيٽا پهچي وڏي وزير سر فراز بگٽيءَ سان گڏ ڌماڪي جي زخمين جي عيادت ڪئي.
ان موقعي تي ميڊيا سان ڳالهائيندي گهرو وزير محسن نقوي چيو ته ملڪ ۾ دهشتگردي جي نئين لهر اڀري آهي، هفتي دوران 4، 5 آپگهاتي بمبار پڪڙيا آهن.
هن چيو ته دهشتگردي خلاف جنگ جاري آهي ۽ هو نتيجا ڏيندا، شدت پسندن کي انجام تائين پهچايو ويندو.
محسن نقوي چيو ته وفاق بلوچستان جي هر ممڪن مدد ڪندو، دهشتگردي جو گڏجي مقابلو ڪرڻو آهي.
ان موقعي تي بلوچستان جي وڏي وزير سرفراز بگٽي چيو ته ڪوئيٽا ۾ بدترين دهشتگردي جي هو مذمت ڪن ٿا.
هن چيو ته انساني حقن جا چيمپئن ڪوئيٽا ڌماڪي تي خاموش ڇو آهن؟
