قومي عيد، عظيم تهذيب جي وارثن جو ڌرتي سان محبت جو اظهار،سنڌ جي راڄڌاني ڪراچي ۾ عوامي سمنڊ اٿلي پيو

ڪراچي(مانيٽرنگ ڊيسڪ)ايڪتا قومي عيد تي سنڌ رهي آباد جون دعائون، عظيم تهذيب جي وارثن جو ڌرتي سان محبت جو وچن، سنڌي ميڊيا جي سڏ تي صوبي جي جهرجهنگ ۾ ايڪتا ڏهاڙو جوش ۽ جذبي سان ملهايو ويو، ڪراچي کان ڪشمور ۽ ڪارونجهر کان ڪيٽي بندر تائين ننڌن وڏن شهرن ۾ ريليون،سنڌ جا ڳوٺ به ثقافتي رنگن سان رنڱجي ويا، مچ ڪچهريون ۽ مشاعرا،روڊن رستن تي جيئي سنڌ جيئي جي نعرن جي گونج، نوجوانن سان گڏ عورتون، ٻارڙا ۽ بزرگ به قومي عيد جي پروگرامن ۾ شامل رهيا، ڪيترن ئي شهرن ۾ انساني زنجيرون ٺاهي قومي ٻڌي ۽ ايڪتا جو مظاهرو ڪيو ويو، سنڌ امڙ جي سلامتي لاءِ دعائون،سنڌ جي راڄڌاني ۾ لکن جي تعداد ۾ سنڌين جون ريليون، شاهراهه فيصل ۽ ٻين روڊن تي سنڌين جو سمنڊ شهر ۾ قومي گيتن جو گونج ۽ جهمريون، وڏي انگ ۾ سنڌياڻيون اجرڪ واريون ڊريسون پائي ايڪتا تقريب ۾ شريڪ،لاڙڪاڻو، شڪارپور، جيڪب آباد، ڪشمور، گهوٽڪي، خيرپور، نوشهروفيروز، بينظير آباد، ميرپورخاص، سانگهڙ، عمرڪوٽ، ٿرپارڪر، ٺٽي، سجاول، بدين ۽ ڄامشورو ضلعن ۾ به ايڪتا جون تقريبون منعقدڪراچي پريس ڪلب آڏو مک تقريب ۾ شهر جي مختلف علائقن مان نڪتل ريليون ۽ قافلا پهتا، سنڌ جي گادي واري شهر ۾ اجرڪ ٽوپي وارا جهومندا رهيا، لياري، ملير، سچل ڳوٺ، ڪلفٽن، سي ويو، جوهر ۽ ٻين علائقن مان ريلي ون ڪڍيون ويون.ايڪتا عيد جي ڏينهن سج اڀرڻ سان سڄي سنڌ ۾ ٽوپيون ۽ اجرڪون پهريل نوجوانن جا ميڙاڪا، عورتن،مردن سان گڏ ننڍڙا ٻارڙا به ثقافتي لباس پائي پهتا،