واشنگٽن (م ڊ) سعودي ولي عهد شهزادي محمد بن سلمان چيو آهي ته رڳو موت ئي مون کي سعودي تخت ۽ تاج کان محروم ڪري سگهي ٿو. آمريڪي ٽي وي کي انٽرويو ڏيندي محمد بن سلمان چيو ته اها ته خدا کي ئي خبر آهي ته مان ڪيترو جيئندس ۽ جيڪڏهن زنده رهيس ۽ حالتون صحيح رهيون ته پوءِ اميد ته اها ئي آهي ته ايندڙ پنجاهن سالن تائين سعودي عرب جون واڳون سندس هٿن ۾ ئي رهنديون ۽ رڳو موت ئي مون کان تخت کسي سگهي ٿو. هن چيو ته ايران جو سعودي عرب سان ڪو به مقابلو ناهي، ايران نه ته دنيا جي وڏي فوجي طاقتن ۾ شامل آهي ۽ نه وري اقتصادي ميدان ۾ سعودي عرب جي جوڙ ۾ آهي. سندس چوڻ هو ته اساما بن لادن نائين اليون حملن لاءِ 15 سعودي شهرين کي پاڻ سان شامل ڪيو، هن وچ اوڀر، اولهه، آمريڪا ۽ سعودي عرب ۾ لاڳاپا ختم ڪرڻ جي ڪوشش ڪئي. محمد بن سلمان چيو ته 1979ع ۾ مسجد الحرام ۾ ٿيل خونريزي ۽ ايران جي انقلاب بعد پيش آيل واقعن ڻ سعودي عرب جا ماڻهو متاثر ٿيا ۽ انتها پسندي ۾ اضافو ٿيو.
رڳو موت ئي مون کان سعودي تخت کسي سگهي ٿو: محمد بن سلمان
Related Posts
لاڙڪاڻي ۾ تيز رفتار ويگو گاڏيءَ جي ٽڪر ۾ ڀاءُ ۽ ڀيڻ فوت
لاڙڪاڻي ۾ تيز رفتار ويگو گاڏيءَ جي ٽڪر ۾ ڀاءُ...
ڪنڊياري ويجهو فرار ٿي ويل جوابدار کي پوليس راڄوڻي ذريعي ٻيهر هٿ ڪري ورتو
ڪنڊياري ويجهو فرار ٿي ويل جوابدار کي پوليس راڄوڻي ذريعي...
تحريڪ انصاف باني کي اين آر او نه ملندو : فيصل ڪريم ڪنڊي
خيبرپختونخوا جي گورنر فيصل ڪريم ڪنڊي چيو آهي ته تحريڪ...