هنگو ۾ رد الفساد تحت آپريشن، پنج دهشتگرد مارجي ويا، ميجر سميت ٻه جوان شهيد

هنگو (م ڊ) پاڪ فوج جي سُڌ سماءَ بابت شعبي آءِ ايس پي آر چيو آهي ته آپريشن رد الفساد تحت لوئر اورڪزئي ۾ سڪيورٽي فورسز آپريشن ڪيو، آپريشن دوران سڪيورٽي فورسز سان مقابلي ۾ پابندي پيل تنظيم جي ڪمانڊر سميت 5 دهشتگرد مارجي ويا آهن جڏهن ٻه جواب به شهيد ٿي ويا آهن، آءِ ايس پي آر موجب انٽيليجنس ڄاڻ تي ڪيل آپريشن ۾ 5 دهشتگرد مارجي ويا، جڏهن ته فائرن جي ڏي وٺ دوران ميجر مدثر ۽ سپاهي مطيع الله شهيد ٿي ويا آهن، لوئر اورڪزئي جي علائقي عثمان خيل ۾ ايف سي ۽ سڪيورٽي فورسز طرفان آپريسن رد الفساد جي سلسلي ۾ آپريشن ڪيو ويو جنهن دوران دهشتگردن سان ويڙهه ٿي، فورسز سان مقابلي ۾ 4 دهشتگرد ۽ هڪ پابندي پيل تنظيم جو ڪمانڊر شاهه دوران مارجي ويو جڏهن ته دهشتگردن جي ٿاڪن تان ڳري انگ ۾ هٿيار ۽ بارود پڻ هٿ ڪيو ويو آهي، آءِ ايس پي آر موجب هاءِ ويليو ٽارگيٽ ٽي ٽي پي ڪمانڊر دران سميت 5 دهشتگردن کي ماريو ويو آهي.36