ڪراچي(مانيٽرنگ ڊيسڪ) دهشتگري جي خدشن کي نظر ۾ رکندي سرڪاري اسپتالن ۾ سيڪيورٽي سخت ڪرڻ جو فيصلو ڪيو ويو آهي. خبر موجب ڪراچي جي سرڪاري اسپتالن ۾ دهشتگردي جا خدشا وڌي ويا آهن. جنهن کان پوءِ دهشتگردي خدشن کي نظر ۾ رکندي ڪراچي جي سرڪاري اسپتالن ۾ سيڪيورٽي سخت ڪرڻ جو فيصلو ڪيو ويو آهي. جنهن ڪري سول اسپتال ۾ سڀئي غير ضروري گاڏين جي داخلا تي پابندي هنئي وئي آهي. ڊاڪٽرن، پيرا ميڊيڪل ۽ ميڊيا جون گاڏيون به اسپتال جي حدن ۾ پارڪ نه ٿي سگهنديون. ايم ايس جو چوڻ آهي ته سول اسپتال ۾ سڀئي غير ضروري گاڏين جي داخلا تي پابندي هنئي وئي آهي. ٻئي طرف سيڪيورٽي خدشن کي نظر ۾ رکندي جناح اسپتال جي نئين مرڪزي دروازي تي تعميراتي ڪم شروع ڪيو ويو آهي. ايم ايس مطابق قانون لاڳو ڪندڙ ادارن سيڪيورٽي وڌائڻ جي هدايت ڪئي آهي.