بابا لاڏلا وڏو دهشتگرد هو، جنهن خلاف رينجرز  ڪارروائي ڪئي: آءِ جي سنڌ

ڄامشورو(ڊ ر) انسپيڪٽر جنرل آف سنڌ پوليس اي ڊي خواجا (الله ڏنو خواجا) چيو آهي ته لياري گينگوار جو ڪمانڊر نور محمد عرف بابا لاڏلا وڏو دهشتگرد هو، جنهن خلاف رينجرز  ڪارروائي ڪئي آهي. ڪنهن به پابندي مڙهيل تنظيم کي ڪم ڪرڻ جي اجازت ناهي. ڄامشوري ۾ ميڊيا سان ڳالهائيندي آءِ جي سنڌ اي ڊي خواجا چيو ته جيل ۾ عورت پوليس اهلڪارن کي مڪمل تحفظ حاصل آهي. ڪنهن به عورت پوليس اهلڪار کي هراسان ڪرڻ بابت ڪا به شڪايت داخل ناهي ٿي.