دنيا جو سڀ کان جهونو ڪرڪيٽر لاڏاڻو ڪري ويو
ڪيپ ٽائون (ويب ڊيسڪ) دنيا جو سڀ کان وڏي عمر وارو اڳوڻو ٽيسٽ ڪرڪيٽر رون ڊريپر 98 ورهين ۽ 63 ڏينهن جي ڄمار ۾ ڏکڻ آفريڪا ۾ وفات ڪري ويو.
رون ڊريپر اڱاري ڏينهن گيڪيبرها جي هڪ ريٽائرمينٽ هوم ۾ آخري ساهه کنيو، جڏهن ته سندس گهر ڀاتين اڄ سندس لاڏاڻي جي تصديق ڪئي.
پرڏيهي ميڊيا موجب، رون ڊريپر هڪ ٽاپ آرڊر بيٽر ۽ وڪيٽ ڪيپر هو، جنهن 1950ع ۾ آسٽريليا خلاف ڏکڻ آفريڪا جي نمائندگي ڪندي 2 ٽيسٽ ميچون کيڏيون.
سندس لاڏاڻي کان پوءِ هاڻي آسٽريليا جو 96 ورهين جو نيل هاروي سڀ کان وڏي عمر وارو زنده ٽيسٽ ڪرڪيٽر بڻجي ويو آهي.
