ڀارتي هاءِ ڪمشنر جي عمران خان سان ملاقات، ڪرڪيٽ ٽيم طرفان بيٽ جو تحفو

اسلام آباد(بيورو) پاڪستان تحريڪ انصاف جي چيئرمين عمران خان سان ڀارتي هاءِ ڪمشنر اجي بساريا ملاقات ڪئي. بني گالا ۾ ٿيل ملاقات ۾ ڀارتي هاءِ ڪمشنر عمران خان کي چونڊن ۾ ڪاميابي تي واڌايون ڏنيون ۽ کيس ڀارتي قيادت جو پيغام پهچايو. عمران خان ۽ اجي بساريا جي ملاقات ۾ پاڪ ڀارت لاڳاپن تي ڳالهيون ڪيون ويون جڏهن ته ان موقعي تي ڀارتي ڊپٽي هاءِ ڪمشنر جي پي سنگهه ۾ به موجود هو. پي ٽي آءِ جي پڌرائي موجب ملاقات ۾ والاريل ڪشمير ۾ انساني حقن جي ڀڃڪڙين تي عمران خان طرفان ڳڻتي جو اظهار ڪيو ويو. عمران خان جو چوڻ هو ته اميد ٿو ڪيان ته سارڪ سربراهه اجلاس جلد اسلام آباد ۾ رٿيو ويندو. ڀارتي هاءِ ڪمشنر جو چوڻ هو ته ڀارتي وزير اعظم نريندر مودي ۽ تحريڪ انصاف جي چيئرمين جي ٽيليفونڪ ڳالهه ٻولهه مان اميد جنم ورتو آهي، ڀارت پراميد آهي ته پاڪستان سان لاڳاپا مثبت ثابت ٿيندا.