مطالبا منظور ڪريو! پيرا ميڊيڪل جوائنٽ ايڪشن ڪميٽي سنڌ طرفان سنڌ حڪومت کي 26 فيبروري تائين جي ڊيڊ لائين

ڪراچي(پ ر) پيرا ميڊيڪل جوائنٽ ايڪشن ڪميٽي سنڌ جي مرڪزي سپريم ڪائونسل جي ميمبر محمد اسماعيل جسڪاڻي، اخلاق احمد،سلمان ميمڻ، شريف پالاري، ارشد حسين شاهه، قادر بخش، سليم جميل ۽ بشريٰ آرائين گڏيل پريس بيان ۾ سيڪريٽري هيلٿ سميت صحت وارو وزير ۽ حڪومت سنڌ کي خبردار ڪندي چيو آهي ته جيڪڏهن 2018-02-26 تائين اسان جا مطالبا جن ۾ جي پي ايم سي ۽ اين آءِ سي ايڇ جي ملازمن کي ڏنل هيلٿ پروفيشنل الائونس، سنڌ جي سڀني اسپتالن ۾ ڪم ڪندڙ پيرا ميڊيڪل اسٽاف کي به ڏنو وڃي، اڳواڻن چيو ته ڊپارٽمينٽ طرفان جاري ڪيل ريڪوري ليٽر ختم ڪري 2006 واري سروس اسٽرڪچر ۾ رهندڙ ڪيٽيگريز کي به شامل ڪري ٽائيم اسڪيل ڏنو وڃي.