سعودي ولي عهد جمال خاشقجي جي قتل جي ذميواري قبولي ورتي

رياض(م ڊ) سعودي عرب جي ولي عهد محمد بن سلمان جو چوڻ آهي ته هو صحافي جمال خاشقجي جي قتل جي ذميواري قبول ڪري ٿو ڇو ته اِهو سندس اقتدار ۾ ٿيو آهي.خيال رهي ته سعودي ولي عهد استنبول ۾ قائم سعودي سفارتخاني ۾ صحافي جي قتل جي حوالي سان ان کان اڳ عوامي سطح تي ڪڏهن به اهڙي ڳالهه ناهي ڪئي.ياد رهي ته آمريڪي ڳجهي ادار ۽ ٻين اولهه حڪومتن الزام هنيو هو ته محمد بن سلمان صحافي خاشقجي جي قتل جا حڪم جاري ڪيا هئا پر سعودي اختيارين جو چوڻ هو ته ان ۾ ولي عهد جو ڪو به ڪردار ناهي.جمال خاشقجي جي قتل تي عالمي سطح تي ڪاوڙ ۽ ڏک سامهون آيو هو جنهن جي ڪري سعودي ولي عهد جي ساک کي به نقصان پهچايو ويو هو جنهن کان پوءِ هنن آمريڪا ۽ يورپي ملڪن جو ڪو به دورو ناهي ڪيو.