تحريڪ انصاف جي ڳالهين واري ڪميٽي پي ٽي آءِ باني سان ملاقات ڪري رهي آهي.
حڪومت اڍائي وڳي ڪميٽي جي ملاقات بابت اسپيڪر آفيس کي آگاهه ڪري ڇڏيو.
قومي اسيمبليءَ جي ترجمان موجب، حڪومت اسپيڪر جي پيغام بعد اڊيالا جيل ۾ ڳالهين واري ڪميٽي جي ملاقات جو انتظام ڪيو آهي.
قومي اسيمبلي سيڪريٽريٽ جي ترجمان جو چوڻ آهي ته مخالف ڌر جي اڳواڻ عمر ايوب ۽ اسد قيصر، قومي اسيمبلي جي اسپيڪر اياز صادق سان فون تي رابطو ڪيو.
قومي اسيمبلي سيڪريٽريٽ جي ترجمان موجب، تحريڪ انصاف جي ٻنهي اڳواڻن باضابطا طور ڳالهين واري ڪميٽي جي باني سان ملاقات ڪرائڻ جي درخواست ڪئي.
قومي اسيمبلي سيڪريٽريٽ جي ترجمان جو چوڻ آهي ته اسپيڪر اياز صادق پي ٽي آءِ اڳواڻن جي پيغام کان حڪومت کي آگاهه ڪري ڇڏيو آهي.
قومي اسيمبلي سيڪريٽريٽ جي ترجمان موجب، اياز صادق رڳو پيغام پهچائڻ جو ڪردار ادا ڪيو ته ڳالهين واري ڪميٽي جي باني سان ملاقات ڪرائي وڃي.
قومي اسيمبلي سيڪريٽريٽ جي ترجمان جو چوڻ آهي ته ڌرين ۾ وڇوٽيون ۽ سياسي ڇڪتاڻ جي خاتمي ۾ اسپيڪر اياز صادق جو اهم ڪردار آهي، هن ڳالهين بابت آبزرويشنز جاري ڪري ڇڏيون آهن.
قومي اسيمبليءَ جي اسپيڪر جا ڳالهين بابت وڊيوز به جاري ڪيا ويا.
ترجمان موجب، اياز صادق ڪيترن ئي موقعن تي حڪومت ۽ مخالف ڌر کي هاڪاري ڳالهين جي درخواست ڪئي آهي.
قومي اسيمبليءَ جي اسپيڪر اياز صادق گذريل اجلاس ۾ باقاعده رولنگ ذريعي اسپيڪر آفيس جا دروازا سمورن ميمبرن لاءِ کولڻ جو اعلان ڪيو.
قومي اسيمبلي ترجمان موجب، اياز صادق حڪومت کان وڌيڪ مخالف ڌر کي وقت ڏيڻ جي نه رڳو ڳالهه ڪئي پر عمل به ڪيو، اسپيڪر سمورن مسئلن جو حل ڳالهين ذريعي ڪڍڻ تي يقين رکي ٿو.
ترجمان جو چوڻ آهي ته اياز صادق هميشه هڪٻئي کي عزت ڏيڻ جي ڳالهه ڪئي آهي، اسپيڪر هاڻي نيڪ نيتي سان ڳالهين ۾ مددگاري ڪري رهيو آهي، اها به اياز صادق جي ڪاميابي آهي ته هڪٻئي سان هٿ نه ملائڻ وارا اڄ هڪ ميز تي ويٺا آهن.
قومي اسيمبلي ترجمان موجب، حڪومت ۽ مخالف ڌر تي ذميواري لاڳو ٿئي ٿي ته اسپيڪر جي مددگاري جو فائدو حاصل ڪندي ملڪ جي بهتري لاءِ ڪم ڪن، اياز صادق ڌرين کي هڪ فورم فراهم ڪيو آهي ۽ هو ڳالهين جي ڪاميابي چاهي ٿو
