بلاول ڀٽو زرداري مراد علي شاهه، شرجيل ميمڻ، ناصر شاهه، مرتضيٰ وهاب ۽ ٻين کي عوامي مسئلا حل ڪرڻ۽ ترقياتي ڪم جلد مڪمل ڪرڻ جي هدايت

December 13, 2024 at 1:56 pm

پ پ چيئرمين بلاول ڀٽو زرداريءَ وڏي وزير سيد مراد علي شاهه، سينيئر صوبائي وزير شرجيل ميمڻ، ناصر شاهه، مرتضيٰ وهاب ۽ ٻين کي عوامي مسئلا حل ڪرڻ۽ ترقياتي ڪم جلد مڪمل ڪرڻ جي هدايت ڪئي آهي.

بلاول ڀٽو زرداريءَ وڏي وزير سيد مراد علي شاهه، سينيئر صوبائي وزير شرجيل ميمڻ، ناصر شاهه، مرتضيٰ وهاب ۽ قاسم نويد قمر بلاول هائوس ۾ ملاقات ڪئي.

ملاقات دوران پ پ چيئرمين کي سنڌ جي مختلف شهرن ۾ هلندڙ ترقياتي منصوبن تي بريفنگ ڏني وئي.

بلاول ڀٽو زرداريءَ سان سنڌ ۾ هلندڙ ترقياتي منصوبا جلد مڪمل ڪرڻ جي هدايت ڪئي.

پ پ چيئرمين سان اڳوڻي وفاقي وزير ارباب وزير ميمڻ،  ارباب ڪامران ۽ ارباب گل محمد سان گڏ ملاقات ڪئي.

ملاقات دوران سجاول جي سياسي صورتحال سميت ٻين معاملن تي ڳالهيون ڪيون ويون.

بلاول ڀٽو زرداريءَ سان ايم پي ايَ شيراز راڄپر پڻ بلاول هائوس ۾ ملاقات ڪئي، جنهن دوران هن خيرپور جي عوام جي مسئلن توڙي انهن جي حل بابت پارٽي چيئرمين کي بريفنگ ڏني.

سکر جي ميئر ۽ سنڌ حڪومت جي ترجمان ارسلان شيخ پڻ بلاول ڀٽو زرداريءَ سان ملاقات ڪئي، جنهن دوران هن سکر ۾ هلندڙ ترقياتي منصوبن تي پارٽي چيئرمين کي بريفنگ ڏني.

بلاول ڀٽو زرداريءَ سان سنڌ اسيمبليءَ جي اسپيڪر اويس قادر شاهه به ملاقات ڪئي، جنهن دوران سنڌ اسيمبليءَ بابت مختلف معاملن تي ڳالهيون ڪيون ويون….