مشال قتل ڪيس جي ٻن اهم جوابدارن کي پوليس گرفتار ڪري ورتو، اڄ عدالت ۾ پيش ڪيو ويندو

Notice: Trying to access array offset on value of type bool in /home/nsindh/public_html/wp-content/themes/snmag/single.php on line 13

مردان(اين اين آءِ) مشال قتل ڪيس جي ٻن اهم جوابدارن کي پوليس گرفتار ڪري ورتو آهي، ڊي پي او موجب هڪ جوابدار بلال بخش هجوم کي مڇرايو ۽ قتل جو نعرو هنيو ۽ ٻئي جوابدار لاش جي بي حرمتي ڪئي، قتل جي ڪيس ۾ گرفتار جوابدارن جو انگ 34 ٿي ويو آهي، قتل ۾ پوليس وڊيو جي مدد سان جوابدارن تائين پهچڻ جي ڪوشش ڪري رهي آهي، ڊي پي او نجي ٽي وي کي ٻڌايو ته ان ڪيس ۾ ٻن جوابدارن کي گرفتار ڪيو ويو، جوابدارن ۾ بلال بخش ۽ عامر شامل آهن، جوابدار بلال يونيورسٽي ۾ ڪمپيوٽر آپريٽر آهي، جوابدار عامر يونيورسٽي جو شاگرد ۽ تنگي جو رهواسي آهي، هن لاش جي بي حرمتي ڪئي، 8 جوابدارن جو 4 ڏينهن جسماني رمانڊ ختم ٿيڻ تي انهن کي اڄ سومر تي اي ٽي سي مردان ۾ پيش ڪيو ويندو، مشال ڪيس ۾ 24 جوابدار جيل ۾ آهن.